ائمہ اربعہ کے نزدیک تراویح کی کتنی رکعتیں ہیں؟
سوال
رمضان میں تراویح کی نماز بعض حضرات بیس رکعت پڑھتے ہیں اور بعض حضرات آٹھ رکعت پڑھتے ہیں ۔ صحیح مسئلہ بتائیںکہ بیس رکعت پڑھنا افضل ہے یا آٹھ رکعت پڑھنا افضل ہے؟بینوا توجروا(فتویٰ نمبر ۳۸؍۱۴۱۱ھ)
جواب
حنفیہ ، شافعیہ ، مالکیہ ، حنابلہ ؛ سب کے نزدیک تراویح کی بیس رکعتیں ہیں ، کسی کے نزدیک آٹھ رکعتیں نہیں۔ امت کا ایک بہت چھوٹا طبقہ بعض غلط فہمیوں کی بنا ء پر آٹھ رکعتیں پڑھتا ہے ، جمہور اس کے قائل نہیں ۔ اس لیے بیس رکعتوں کی پابندی کرنی چاہیے(۱) ۔
فاختار مالک فی احد قولیہ وابوحنیفۃ والشافعی واحمد وداؤد القیام بعشرین رکعۃ سوی الوتر (بدایۃ المجتہد ج۱ ؛ ص۱۶۶)فقط واللہ تعالی اعلم العبد ابوالسعوداحمدعفی عنہ ۷؍ذوالحجۃ ۱۴۱۰ ھ
(۱) باب الخامس فی قیام رمضان ، بدایۃ المجتھد ،لابن رشد القرطبی مالکیؒ