کفریہ جملے کہنے والے کا حکم

میں محمدعمران ، میرانکاح سیمین سے چارسال قبل ہواتھا،میری بیوی بہت بدزبان اوربے احتیاط گفتگوکیاکرتی ہے دینداری کاخیال نہیں ،گذشتہ بیس دنوں پہلے کی بات ہے کہ رات کو سوتے وقت میری بیوی میرے ساتھ بدزبانی کررہی تھی ۔اس موقع پر اس نے یہ الفاظ کہے۔ ’’اللہ واللہ کوئی نہیں ہے اورمیں کسی خداکو نہیں مانتی،غیرمسلم مورتی پوجتے ہیں ، ان کے سامنے تومورتی ہوتی ہے ۔اگراللہ بھی ہوتاتونظرآتا، اللہ تونظر نہیں آتا،اس لئے اللہ واللہ کوئی نہیں ہے،اگرہوتاتومیری مددکوآتا‘‘(نعوذ باللہ) یہ بات میری بیوی نے کم از کم نودس مرتبہ کہی،میںاس طرح کے کلمات کہنے سے اسے روکتارہالیکن اس نے باربار یہی الفاظ دہرائے ،اوروہ اس وقت زیادہ غصے کی حالت میں بھی نہیں تھی،میں نے اس گفتگو کے بعد میری بیوی کواس کے میکے میں چھوڑدیا، اس کے بعد سے میں سفرمیں ہوں، میں نے مہر بھی اداکردیا تھا ، مذکورہ صورت میں مجھے یہ معلوم کرناہے کہ مذکورالفاظ کہنے سے کیامیری بیوی اسلام سے خارج ہوگئی اورکیاہمارانکاح ٹوٹ گیا؟ یہاں وضاحت کردوں کہ ان کلمات کے کہنے کے بعد اس نے توبہ واستغفار بھی نہیں کیاہے جب کہ میںاسے توبہ کرنے کے لئے بارہاکہہ چکاہوں۔ فتوی مرحمت فرماکر مشکورفرمائیں ، بینوا توجروا ۔ (فتویٰ نمبر۱۵؍۱۴۳۶ھ)