کیا فرماتے ہیں علمائےدین ومفتیان شرع متین مسئلہ ذیل کے بارے میں کہ میںنے زیدکو ایک کثیر رقم شرکت میں کاروبار کرنے کی شرط پر دی تھی، ایک سال تک انہوں نے شرکت میں کاروبار کیا اور کچھ منافع بھی دیا، بعد میں مشترکہ کاروبار روک کر انہوں نے میری اجازت کے بغیر میری رقم کو اپنے ذاتی کاروبار میں لگادیا ۔ بار بار مطالبہ کرنے کے باوجود میری رقم واپس نہیں کرپاتے ۔ ہمیشہ چار چھ مہینے کا وعدہ کرتے مگر وفا نہیں کرپاتے۔ اس درمیان میںانہوں نے کافی رقم خرچ کرکے اپنے تین لڑکوں کی شادیاں کیں ۔ اب چوتھے لڑکے کی شادی بھی کرنے والے ہیں ، مزید انہوں نے کافی رقم خرچ کرنے اپنے گھر کی از سر نو تعمیر بھی کرلی ہے اور ان کے کاروبار میں بھی کافی ترقی ہوئی ہے ، اس سال انہوں نے مع اپنی اہلیہ حج کرنے کی درخواست دے کر منظوری بھی حاصل کرلی ہے ۔ وہ صاحب جائداد بھی ہیں ، وہ چاہیں تو کوئی ایک جائیداد بیچ کر بھی میری رقم واپس کرسکتے ہیں ۔ مگر ایسا نہیں کررہے ہیں۔ براہِ کرم فتویٰ صادر کیجئے کہ دوسروں کا واجب الاداء قرضہ ادا کیے بغیر حج ادا کرنا جائز ہے یا نہیں ۔ ایسی صورت میں ان کا حج ادا ہوگا یا نہیں؟ ۔ فتوی مرحمت فرماکر ممنون فرمائیں ۔